_edited.png)
كتير مننا بيحبوا يفتحوا مشاريعهم الخاصة، بس ميعرفش ان حسابات البيع والشراء ممكن توصلهم لخساير هما مش عاوزينها. النهاردة هنعرف ايه هو الربح الإجمالي بالظبط او ال "Gross Profit"، ازاي نحسبه، وازاي يفيدنا في مشروعنا.
الربح الإجمالي هو الفرق بين إجمالي المبيعات بتاعتنا وبين التكلفة الإجمالية للسلع اللي اتباعت. يعني لو بتبيع تليفونك المحمول مثلا، الربح الإجمالي هيكون الفرق بين سعر البيع بتاع تليفونك و اللي دفعته في الجديد عشان تشتريه.
ازاي نحسب الربح الإجمالي؟
عشان نحسب الربح الإجمالي، ممكن نستخدم المعادلة دي:
الربح الإجمالي = إجمالي المبيعات - إجمالي تكلفة البضاعة المباعةمثال:
نفترض أنك عندك محل بقالة، حققت المبيعات كلها في شهر فبراير وصلت لـ 100,000 جنيه. إجمالي اللي دفعته على البضاعة اللي اتباعت في نفس الشهر كان 70,000 جنيه. بناءً على المعادلة اللي فوق، هنقدر نحسب الربح الإجمالي الخاص بيك بالطريقة دي:
الربح الإجمالي = 100,000 جنيه - 70,000 جنيه = 30,000 جنيهيبقا الربح الإجمالي بتاعك في شهر فبراير كان 30,000 جنيه.
ازاي نعمل حساب الربح الإجمالي في إكسل؟
برنامج إكسل بيخلينا نحسب الربح الإجمالي بسهولة. كل اللي عليك هو عّمِل جدول يتسجل فيه المبيعات وتكلفة البضاعة المباعة. بعدين هنستخدم معادلة بسيطة زي اللي قولنا عليها فوق كده.
في اوقات كتير بنحتاج نعرف الربح الإجمالي عشان:
نتابع أداء مشروعنا: بيساعدنا نراقب هل احنا بنكسب فلوس فعلا ولا لا.
ناخد قرارات تسويقية: لو الربح الإجمالي قليل، ممكن نضطر نغير استراتيجية التسويق أو نتفاوض مع الموردين عشان نقلل التكلفة.
نحلل المصروفات: لو الربح الإجمالي بينزل فجأة، ممكن يكون في مصروفات زيادة محتاجة تتحقق منها.
هل فيه حدود للربح الإجمالي؟
طبعاً فيه حدود لل "Gross Profit" عشان نحافظ على هامش ربح كويس لازم نتحكم في تكاليف التشغيل زي إيجار المحل ومرتبات الموظفين. لو المصروفات دي زادت كتير، ممكن تقلل من الربح الإجمالي.
خلاصة الكلام
الربح الإجمالي مؤشر مهم لأي مشروع تجاري. بيساعدنا نفهم الفرق بين اللي بنكسبه وبين اللي بنصرفه على البضاعة اللي بتتباع. فمهم جدا نتابع ونحلل هامش الربح الإجمالي عشان ناخد قرارات سليمة لمشروعنا.
تعرف علي المحاضرات التي يقدمها العسال في مجال الاكسل و تحليل البيانات و التحليل المالي
كورس المعادلات الاكثر استخداما
- تعلم اكثر من 30 معادلة مهمه في الاكسل تساعدك في 85% من مشاكل الاكسل و تضعك علي طريق الاحتراف
Comments