_edited.png)
محتار و مش عارف هتحقق أهدافك الاستثمارية ولا لأ؟ عايز تخطط لمصروفات بيتك أحسن؟ طب ما تخلينا ندخل في عالم تحليل الانحدار و خصوصاً انه عامل زي خبير استشاري بيقدر يساعدك تتنبأ بالاتجاهات المستقبلية بناء على بياناتك المالية.
ببساطة، تحليل الانحدار هو أداة إحصائية قوية بتساعدنا نفهم العلاقة بين متغيرين. خلينا نقول مثلا عايزين نتنبأ بمبيعات المحل بتاعنا بناءً على عدد ساعات الشغل اليومية. هنا تحليل الانحدار هيقدر يساعدنا نعمل نموذج حسابي يوضح العلاقة بين ساعات الشغل (المتغير المستقل) ومبيعات المحل (المتغير التابع).
خلينا نشوف مثال على تحليل الانحدار بالجدول والمعادلة:
نفترض أننا صاحب start up، عايزين نتنبأ بمبيعاتنا اليومية بناء على عدد ساعات الشغل. و جمعنا البيانات دي في جدول:
ساعات الشغل | إجمالي المبيعات |
5 | 1000 |
6 | 1200 |
7 | 1500 |
8 | 1700 |
طب ازاي نقدر نوصل للمعادلة اللي تساعدنا نتوقع المبيعات بناء على ساعات الشغل؟ هنستخدم برامج زي إكسل اللي فيها معادلات جاهزة لتحليل الانحدار.
المعادلة :
إجمالي المبيعات = ٢٠٠ × ساعات الشغل + ٥٠٠
بناء على المعادلة دي، لو اشتغلنا 10 ساعات نتوقع تحقيق إجمالي مبيعات بقيمة ٢٥٠٠ جنيه (٢٠٠ × ١٠ + ٥٠٠).
إكسل صديقك في تحليل الانحدار:
برنامج إكسل يعتبر من أسهل الطرق لتحليل الانحدار. كل اللي عليك انك هتدخل بياناتك في جدول، و تستخدم وظيفة " تحليل الانحدار" اللي هتديك المعادلة ومؤشرات مفيدة عن قوة العلاقة بين المتغيرين.
ازاي نقدر نستخدم تحليل الانحدار؟
مجال البنوك: للتنبؤ بقدرة العميل على سداد القرض بناء على دخله ومصروفاته.
شركات التسويق: لتحديد أفضل استراتيجية إعلانية بناءً على استهداف فئة عمرية معينة.
البورصة: للمساعدة في توقع أسعار الأسهم بناءً على عوامل اقتصادية مختلفة.
طب ايه اللي يقدر يفيدنا فيه تحليل الانحدار:
قوة العلاقة بين المتغيرين: هل فعلا عدد ساعات الشغل بتأثر على المبيعات؟
مدى تأثير كل متغير: ساعة زيادة في الشغل هتزيد المبيعات قد ايه؟
توقع قيم المتغير التابع بناءاً على قيم المتغير المستقل: لو اشتغلنا 9 ساعات، نتوقع ايه؟
حدود لازم ناخد بالنا منها:
تحليل الانحدار بيعتمد على بيانات سابقة، وممكن يكون فيه عوامل تانية خارجة عن سيطرتنا تأثر على النتايج.
المعادلة اللي بنوصل ليها في النهاية هي معادلة تقريبية، وممكن تفرق عن الواقع في بعض الحالات.
ختامًا:
تحليل الانحدار هو أداة مفيدة لأصحاب الأعمال والمستثمرين واللي بيشتغلوا بالبيانات عشان يقدروا يتخذوا قرارات سليمة مدروسة بناءً على تحليل علمي للاتجاهات المستقبلية. جرب أنت كمان تستخدم تحليل الانحدار وخللي فلوسك تتوقع مجراها بنفسها!
Commentaires