فلوسي راحت فين؟ كل اللي لازم تعرفه عن التدفق النقدي - Cash Flow

كتير مننا بيتشتكوا من مشكلة كبيرة جداً وهي "فلوسي بتروح فين؟" النهاردة هنعرف ايه هو التدفق النقدي و ازاي تقدر تستخدمه عشان تتحكم في فلوسك كويس.

طب إيه هو التدفق النقدي؟

التدفق النقدي بالبلدي كدة هو الفرق بين الفلوس اللي بتدخل ليك و اللي بتطلع منك في فترة زمنية معينة. يعني لو شغال في شركة مثلا، يبقى دخلك الشهري هو المرتب اللي بتاخده، واللي بيطلع منك هو الإيجار وفواتير الكهرباء والموبايل وأي مصروفات تانية.

طيب ازاي احسب التدفق النقدي؟

عشان تقدر تحسب التدفق النقدي بتاعك، ممكن تستخدم جداول بسيطة أو معادلات زي دي:

التدفق النقدي = دخول الفترة - خروج الفترة

مثال على حساب التدفق النقدي:

خلينا ناخد مثال بسيط… محمد عنده دخل شهري 8000 جنيه ومصروفاته الشهرية ثابتة تقريبا زي الإيجار 2000 جنيه وفواتير 1000 جنيه ومصروفات شخصية 1500 جنيه. هنحسب التدفق النقدي لمحمد في شهر معين بالجدول اللي تحت ده:

بند	المبلغ (جنيه)
دخول	8000
إيجار	2000-
فواتير	1000-
مصروفات شخصية	1500-
إجمالي التدفق النقدي	3500

الملاحظة: علامة الناقص هنا (-) بمعني خروج فلوس، يعني الفلوس بتطلع من جيب محمد.

ازاي استخدم إكسل عشان احسب التدفق النقدي؟

برنامج إكسل ممتاز عشان تقدر تحسب التدفق النقدي عليه بسهولة. تقدر تعمل جدول و تحطوا دخلك في عمود و مصروفاتك في عمود تاني، وبعدين تعمل معادلة بسيطة زي اللي فوق عشان يطلعلك إجمالي التدفق النقدي.

فين ممكن أستخدم التدفق النقدي؟

التدفق النقدي مفيد جدا للناس اللي عايزين يتحكموا في مصروفاتهم ويعرفوا فلوسهم جاية منين و رايحة فين. بالتالي تقدر تستخدمه في حالات زي:

• تخطيط الميزانية الشهرية: تقدر تحط أهداف للدخل والمصروفات وتتأكد إنك ملتزم بالخطة شهرياً عشان توفر فلوسك لأهداف تانية زي الاجازة أو شرا حاجة غالية.

• تتبع المصروفات الغير ضرورية: لو لقيت إن التدفق النقدي بتاعك سلبي (يعني المصروفات أكتر من الدخل)، تقدر تراجع الجدول بتاعك وتشوف فين ممكن تقلل المصروفات.

• التقديم على قرض: البنوك بتطلب كشف حساب عشان تعرف التدفق النقدي بتاعك، وده بيأثر على قرار الموافقة على القرض ومقداره.

إيه اللي تقدر تتعلمه من التدفق النقدي؟

التدفق النقدي بيقولك معلومات كتير عن وضعك المادي زي:

• صحة ميزانيتك: لو التدفق النقدي موجب (يعني دخلك أكتر من مصروفاتك)، يبقى ميزانيتك ماشية كويس.

• عادات الصرف: لو لقيت إنك بتصرف فلوس كتير على حاجات معينة، يبقى لازم تراجع عادات الصرف بتاعتك.

• الاستعداد للظروف الطارئة: التدفق النقدي الإيجابي بيخليك جاهز أكتر لمواجهة أي ظروف طارئة زي المرض أو مشي من الشغل.

هل فيه حاجات لازم ناخد بالنا منها؟

ايوه، لازم ننتبه كويس جداً لحدود التدفق النقدي:

• تقلبات الدخل: الدخل ممكن يتغير من فترة لأخرى، لازم تاخد بالك كويس جداً من حاجة زي دي و تكون مستعد بخطط بديلة واضحة.

ختاماً

أتمني يكون الشرح كان بسيط كفاية و فادك بجد في تحسين حياتك المالية و إدارتها بشكل أفضل.

---

تعرف علي المحاضرات التي يقدمها العسال في مجال الاكسل و تحليل البيانات و التحليل المالي

اعرف اكثر

---

كورس المعادلات الاكثر استخداما

  - تعلم اكثر من 30 معادلة مهمه في الاكسل تساعدك في 85% من مشاكل الاكسل و تضعك علي طريق الاحتراف

كورس المعادلات الاكثر استخداما من العسال

انضم الأن