_edited.png)
كلنا عارفين ان من أهم أساسيات علم التحليل المالي انك تكون قادر كمستثمر ذكي تعرف تقيم الوضع المالي للشركة قبل ما تستثمر فيها.
و هو ده بالظبط اللي هنتكلم عليه انهاردة و اللي تعتبر واحدة من أهم الأدوات عشان تحلل كفاءة الشركة ومدي تحقيقها للأرباح، و الأدآة هي نسب الربحية - Profitability Ratios.
نسب الربحية عاملة زي زيت العربية، بتساعدك تفهم قدرة الشركة على تحقيق الأرباح من المبيعات ومواردها المختلفة. باستخدام معادلات بسيطة بتعتمد فيها على بيانات من القوائم المالية للشركة، تقدر تحسب نسب الربحية وتفهم كفاءة الشركة في إدارة فلوسها وتحويلها لأرباح.
خلينا نشوف مثال حي لتوضيح الصورة:
شركة (أ) مثال:
البند | المبلغ (بالجنيه المصري) |
اجمالي المبيعات | 10,000,000 |
تكلفة البضاعة المباعة | 6,000,000 |
المصروفات التشغيلية | 2,000,000 |
حساب هامش الربح الإجمالي (نسبة المبيعات إلى التكلفة):
هامش الربح الإجمالي = (اجمالي المبيعات - تكلفة البضاعة المباعة) / اجمالي المبيعات
هامش الربح الإجمالي = (10,000,000 - 6,000,000) / 10,000,000 = 40%ملاحظة: تقدر تستعمل اكسل لحساب نسب الربحية بسهولة عن طريق ادخال البيانات واستخدام بعض المعادلات زي ما شرحنا قبل كدة علي قناتنا.
امتى ممكن نستخدم نسب الربحية؟
قبل الاستثمار: عشان تفهم قدرة الشركة على تحقيق أرباح مستقبلية.
مقارنة الشركات: تقدر تقارن شركتين في نفس المجال عن طريق نسب الربحية.
طب نسب الربحية بتفيدنا في ايه؟
بتفيدنا نعرف كفاءة الشركة في إدارة مواردها وتحقيق أعلى ربح ممكن من المبيعات. كمان بتساعد المستثمرين على تقييم مدى نجاح الشركة في السوق.
هل ليها معوقات / تحديات ؟
نسب الربحية لوحدها ممكن متبقاش كفاية لعمل تقييم شامل للشركة. لازم ندرسها مع باقي البيانات المالية زي نسب الملاءة والمؤشرات السوقية عشان ناخد صورة أوضح عن صحة الشركة المالية.
طب و الخلاصة:
نسب الربحية هي أداة مهمة جداً لأي مستثمر أو محلل مالي، و بتساعد على اتخاذ قرارات استثمارية مدروسة.لازم المستثمر الذكي يبقي فاهم نسب الربحية زي ما هو فاهم فلوسه، و يكون عارف يوجهها كويس جداً للفرص اللي تحققله أعلى عائد من إستثماره!
Comentários